الحال والباب على الستار !
هوا الأردن - تحولت السهرات لتناول الاوضاع المعيشية والاقتصادية وانتخابات وقوائم واسماء هي وردية او وهمية وصناديق الاقتراع زجاج او كريستال ..والسؤال كيف تم قبول ترشيح مرشح من سكان عمان على مقعد الزرقاء دون أستاذان .. مع المرور على حال البلدية وكوادرها وحركة اسطول البكبات والسيارات والقلابات وجيش الموظفين والعاملين مع الاشقاء الوافدين سولفة طرمة وخبيصة ..بس مش مهم كون الاهم وجود المسؤول مرتاح وعال العال ياستار .. لكن تم مناقشة القرشين للتر البنزين وسعر الدخان ومربعانية الشتاء والمطر والشجر .. ونهاية التعليلة كانت حول الشقيقة سوريا الشام ياخال شامة على الخد شو صار حتى تتحول من دار لسلام والاستقرار وقلعة صمود وممانعة لمعارك وصراع وقتل من سنتين والكل متفرج مراقب وين راح تصل السوالفة الاشقاء متفرجين صامتين مهزومين بنتظار نتائج مسرحيات الربيع بعد سفك الدماء والخراب وضياع حصاد السنين هذا هو حال الامة بعد الابتعاد عن مكارم الاخلاق كان العقاب والحساب والله المستعان وهنا يتم الرجوع للاسعار وحكومة المحروقات والله ياجماعة القصة مش أسعار السوالفة موال لكل حكومة بتحاول تحصيل الخراج من رقاب العباد ومش مهم تجويعنا او ترويعنا المهم الخراج للخزينة التي تواجة مصير نتيجة وجود المشاريع من طرق علاج وتعليم وبناء مستقبل للاجيال مشاريع وخطط تفرض المزيد من الرسوم والضرائب وهون تدخل ابو مرزوق وقال الصبر ياخوان حتى نفتح الصناديق بمجلس لنواب هو برلمان قادم للحساب مش للكلام والتحدي كبير لاعادة كفة الميزان حساب وقوانيين ومراجعة لكل طقوس المؤسسات المستقلة وأستثمارات الضمان وعضوية مجالس الادارة يعني ياخوان كم تبقى للحكومات لرفع المزيد من الاسعار ويبقى الشعب جوعان لعيون المسؤول بس ممكن واحد منكم يقول قديش ممكن نصبر على الحصار والجوع والظلم وهون قال الجميع الله لا يجيب هيك ساعة يازلمة نحن من سنوات مقاطعين البلدي فكيف بدك نتحمل المزيد والله الاولاد مش صابرين والخوف من الايام الجاية ان بقية حال الحكومات على هيك موال بكون العوض بوجة الكريم والكريم يحمى مملكتنا من هولاء الجاحدين بس مش ممكن تستمر سواليف الاسعار ومتقاعد الضمان حصل على زيادة شهرية دينار وهيك على دلعون ياحبايب صرفنا اليومية والله المستعان .....
