شو حكاية البندورة

سؤال بكل طريق وعلى كل باب ودكان وحارة وحسبة حول حجم حبة البندورة، إكس إكس بندورة ببزر !!!
والسعر ببلاش الصندوق بدينار !
وأخ من لون البندورة تقول دم زغلول ؟؟
والطعم غير شكل مش بحاجة لكلام بس كمشة ملح !!!
يعني الأسعار اليوم ببلاش مقارنة بقبل شهر .
شو الحكاية وليش !
ممكن هناك احتجاج من الفلافل على طول الغياب !
أوالمشكلة لم تعد بالبندورة التي تتناسب مع كل وجبة - سبحان الله- البندورة الوحيدة مع كل ألوان الطعام، هناك حالة انسجام !!
والأقرب للبندورة طبيعي الفلافل .
يا لطيف شو حالة اقتران بينهما ، والبندورة والفلافل دون انفصال !!
مع أن حبة الفلافل تم تقليصها بحجم الشلن وبسعر مرتفع (الحبة بثلاثة قروش أو شلن )، يعني رغيف الخبز بحاجة إلى أربع حبات فلافل وحبة بندورة ليكون المذاق عال العال مع قازوز بارد وملعقة شطة حمراء ،
وعيش بدون حشيش يا أبو الزولف .
لكن لازال المطروح هو،،، شو قصة حبة البندورة بدم غزال والأسعار؟؟ نحن نسمع ونسأل، ومن الطبيعي وجود جواب حتى لا يتحول السؤال لدى المواطن لخبر إشاعة تندرج تحت بند تعكير العلاقة مع البندورة .
مسكينة حبة الفلافل تعيش قمة الانتصار من عودة البندورة للتحالف من جديد .
وهناك مباحثات لدخول الخيار بالتحالف مع البندورة والفلافل ،والكل بانتظار قرارمن قمة الفلافل والبندورة بدخول الخيار التحالف لمواجهة تمرد البصل والباذنجان أبو سمراء بسكرة .
والختام اللهم ألهم الجميع سبل الاتفاق
ويدوم عز مملكتنا االحبيبة .